多多少少都有點身痕
始終樓價唔平
裝修買傢俱電器支出幾多呢, 個個人唔同, 一般豪極係樓價三成啦
咁當然本窮人無咁多錢, 首期又三成, 執又三成, 係銀行做都唔代表印銀紙
咁唯有計住計住睇下買乜好啦
計之前睇中富士皇抽油煙機
買電蒸/焗爐又係另一個topic好研究
崁入式當然靚好多, 咁岩又fit到拎走洗衣機個位
但係就堅唔平
起初小人堅決要買焗爐, 因為堅想落手煮多點西餐
睇中左 伊萊克斯既 EOB63300X, 合理價 6k
但內人既反對聲音好強, 話唔捨得...
umm, 我都明既, 街上幾百都有得賣既上下火座台焗爐同對流式焗爐比感覺上好似性價比講唔通
"你邊會成日用丫" 依句給我沖了一敞凍水涼 XP
唯有轉移陣營, 搵蒸焗爐
市面上好多坐台式蒸焗爐, 其實都係用微波推的
我地兩個都好一致地唔會買微波爐(帶飯已經叮唔少了...)
崁入式有各大德國品牌, 定價就...買到幾個EOB63300X....最平惠宜浦都要萬六
比我搵搵下...有兩個唔知點解咁平. 1. 德國寶, 2. Cristal
德國寶我諗應該大家都知無一忽同德國有關(除左logo有德國三色)
Cristal尼斯, 話係意大利野, 我見佢香港總代理仲有賣Smeg, 叫做放心少少
好了, 到網上收料既步驟
德國寶, 本身品牌質量已經麻麻, 仲比我搵到佢隻爐漏水...on9bye then
到尼斯, 本身知名度低已經難搵, 仲要佢隻model今年出新款!!!
網上評價有小貓三幾條, 無帶陰謀論黎睇普遍都話ok既, 定價, 差唔多6k
突發性既事出現了....家中隻生鐵鑊突然穿了
主要既原因係我家比較喜歡用鑊蒸野/淥菜
導致生鏽了
令我考慮到蒸野既要求其實都幾高, 果d蒸焗爐無咩reference倒不如買純蒸爐
焗野遲d先再算, 或低d要求整個座台式有溫度有時間果d算
純蒸爐, 無咩選擇, 市面上分四類, 1. 一層層蒸, 2. 蒸+微波/熱力, 3. 座台純蒸, 4. 崁入純蒸
價錢: 1. 幾百, 2. 三四千, 3. 九千至萬一, 4. 近兩萬或以上
結果我就比佢毒到了
Miele DG1450 Steam Oven, 德國家電龍頭Miele......平時d洗衣機焗爐, 完全係天價
而依隻座台式, 雖然都要萬一蚊, 但都叫做沾到一點光環
sharp有隻就水波n合一, 雖然佢話純蒸唔會有微波, 但始終有點介心
睇完spec同用家評, 一致地推介
最正既係, 佢可以入櫃! 同埋就算同一時間蒸幾樣野, d味都唔會溝埋(真係幾神, 要親身體會)
又咁岩, sogo 依期promotion送le creuset心心鍋4個
而中銀卡promotion有at least5%回贈既抽獎, 另外中銀sogo visa本身已95折
sogo本身仲有抽獎添, 每500得一獎卷, like佢fb多一張
頭獎係5皮現金卷1名, 二獎日本trip八名, 三獎1千蚊現金卷都有一百個
多番自我支持下, 就敗了家........成四十幾張抽獎卷, 寫到手都軟
希望中獎啦
No comments:
Post a Comment